Geschichten & Erinnerungen

14 Jahre lang warst Du meine treue Gefährtin und schenktest mir und meiner Familie tausende von glücklichen und intensiven Momenten. Dafür Danke ich Dir aus tiefstem Herzen. So sehr ich Angst hatte, dich loszulassen - so hast Du mir einen Tod geschenkt der sanft und harmonisch war und ihn zu einem unvergessenen und wunderschönen und verzauberten Moment machtest. Nicht der Tod ist schmerzhaft sondern erst die Leere die daraus entsteht. Sie wird gefüllt durch wunderschöne Erinnerungen und Dankbarkeit. Du warst und bist meine Beste! Herzlichst, Dominique

Sämi (Semmeli) du warst der beste Hund, den man sich vorstellen kann! Wir vermissen dich so sehr! Obwohl du nur 4Jahre bei uns sein durftest, hast du uns so viel gegeben und wir haben zusammen eine so tolle und schöne Zeit erlebt. Wir werden dich nie vergessen!

Wir vermissen Dich so sehr. Am 20. Oktober 1999 kamst Du zur Welt und mit 9 Wochen haben wir Dich zu uns nach Hause genommen. Die Zeiten mit Dir waren schöne. Seit 29.5.2011 ist dein Platz nun leer. Es schmerzt immer noch sehr das einzige was bleibt sind die Erinnerungen.
Lebe Wohl mein Leiko

mamour, 5sem que tu est partie...je te pleure tjs autant, Amour inconditionnel, on se comprenais d'un regard,,j'ai tjs tant aimé les chats, je ne pourrais plus vivre sans,,,après 5ans d'un amour inconditionnel, d'une complicité que même avec les humains je n'ai jms eue...tu as pris un repos bien mérité...mais tout est si vide sans toi...ma compagne de chaque jour, qui m'attendais derrière la porte...tous les jours....qui était tjs près de moi, quoi que je fasse...tu me manques tellement Amour de ma VIE....Et tu sais que d'autres de tes congénaires vont venir...mon esprit SPA...tu le sais...mais jms personne ne te remplacera,toi, mon amour...jtm, jtm,jtm..et pour toujours tu es au fond de mon coeur...R.I.P ma chérie....

Heute, an diesem wunderschönen Pfingstsonntagmorgen, hat mein geliebter Romeo seine Aeuglein für immer geschlossen. Bis zuletzt hatte ich gehofft, dass mein kleiner Kämpfer das Virus besiegen könnte, doch dieses war letztendlich stärker.

Ich bin unendlich traurig, aber auch dankbar für die vielen schönen Augenblicke, die Romeo mir in seinem kurzen Leben geschenkt hat. Kein Tag verging, an dem er mich nicht zum Lachen brachte, er war ein Lausbub und ein kleiner Sonnenschein zugleich, und ich habe immer wieder gedacht, was ich doch für ein Glückspilz bin, dass ich sein 'Mami' sein durfte. Eigentlich wollte ich damals auf dem Bauernhof ja 'nur' ein Schwesterchen für meinen Kater Baghira holen, aber dann habe ich mich vom ersten Augenblick an in den süssen kleinen Romeo verliebt, und so kam halt ein Geschwisterpärchen, Romeo und Giulietta, zu uns nach Hause. Sie waren unzertrennlich und haben sich auf Anhieb auch mit ihrem 'Onkel' Baghira gut verstanden.

So war unsere kleine Welt in Ordnung, bis wie aus heiterem Himmel Ende Mai für Romeo die schreckliche, tödliche Diagnose FIP kam. Nie habe ich mich ihm so nahe gefühlt wie in dieser schweren Zeit seiner Krankheit und in seinen letzten Stunden, als ich ihn gehen lassen musste.Noch sehe ich seine fragenden Augen, fühle sein Tätzchen in meiner Hand.

Die einfühlsame Begleitung durch Frau Rimann vom Tierkrematorium Seon geben mir Kraft und die Gewissheit, dass Romeo ein würdiger Abschied zuteil wurde und er nicht verloren und nicht vergessen ist, sondern in meiner Erinnerung für immer weiterlebt.
Herzlichen Dank, Frau Rimann, und danke, Romeo, für Deine Liebe!
(Für Romeo, 12. Juni 2011)

Min lieba Prinz Sunny

Im Summer 2006 bisch du mit dina 3 Fründa Jerry,Giulio und Gipsy zu mier ko wel eures Fraueli gstorba isch. 1 Johr hender a neus Dahei gsuecht und eura Bsitzer hät eu nid wella trenna. Eigentli hani nur 2 Katza wella aber aswia hani mi verpflichtet gfühlt zum eu neh. Wo i eu go aluega bin, hani schu gmerkt dass es mit eu nid eifach wird ;-) Mim Jerry hätts nia so recht klappt aber er hät sich au in mis Mammi verliebt wo si am Mittag ko isch go Fuetter geh. Sie hät na denn zu sich gno und es isch alles guat worda, er hätt sogar ussa dörfa. Leider hätt Sie ihn müessa am 11.05.11 ischlöfa weil er Herz und Nieraproblem ka hätt. Er isch dr jüngscht gsi mit 11 vu dem Quartett. Sunny 12, Giulio 15, Gipsy 16. Afangs April hani gmerkt dass mit dier Sunny öppis nüm gstumma hätt. Din Buch isch immer dicker und härter worda und Diagnosa vur Tierärztin hät au nid guet dönt. Zum sicher go hend mier dier no Bluet gno und dÄrztin hätt dier no 3 Schälali vu dera Flüssigkeit ablo wo sich in dinem Buch agsammlet hätt. Wo mr Hai sind hesch di suber gmacht, bisch ganz nas gsi. Du bisch so tapfer gsi obwohl du dr schüchscht gsi bisch. 2 Tag spöter isch dr Bricht denn ko. Leberatumor! I han di no wella palta solang du no Lebensqualität ka hesch und mier hend au alles versuacht. Leider isches nur kurz besser worda und zu allem hera hesch no a schtarki Verkältig kriegt wo aber au tapfer gmeischteret hesch. I han di jeda Obig zu mier gno und dier nomol alli Liebi geh wo i dier no han könna geh. Wo denn pilla nümma gno hesch isch dr dsWasser au in bei und dslaufa isch dr immer schwerer gfalla. Bis am 29.05.11 hesch mr zeigt dass es troz da Umständ no goht und du di dsfrida gfühlt hesch. Aber am Sunntig hani denn au gmerkt dassi di jetz golo sötti. Am 2.6.11 hani dia schwer Entscheidig troffa und di müessa schwerem Herza goloh. Du hesch dahei uf dinem Plätzli dörfa ischlöfla. Für mi isch es dserschta mol gsi, dass i so a Entscheid han müessa treffa und i han immer Angscht ka dass i di dsfrüah ussem leba nimma oder dspoht so dass no lida müesstisch und das hani nid wella. I han dia letschta 2 Monat mit dier glitta. In gedanka bini immer bi dier gsi in dr Hoffnig i macha dsrichtiga. Giulio, Gipsy und I vermissend die mega fescht. Du bisch so a edla wissa Prinz gsi. So verschmüselet wenn am Tisch gschmeichlet hesch, hesch dier da Kopf so Fescht an dr Tischkanta gschtossa es hätt mr jedesmol weh tua wenns TOCK gmacht hätt und dr Giulio hesch amigs fascht abem Bett gworfa;-) Du hesch immer gluegt was ma macht und wia immer mit einem gredet hesch isch au so luschtig gsi.

Dr Schmerz isch no so gross und din Platz isch so leer. In minem Herz bisch immer dabi woimmer du au si magsch. I hoffa es isch a schöna Ort und du bisch jetz mim Jerry, Joy,Schöschali und all da andera Tierli zemma.

Dia Gschicht isch a biz lang worda, aber mier hätt das guet tua dia Emotiona do loswerda.I möcht allna danka wo dia Gschicht glesa hend und wo selber au ihri Gschicht do innagschriba hend. Mier hät das viel Kraft geh, gseh dassi nid allei mit dera Situation bin.

Rest in Peace
I lon jeda Obig a kerza für di brenna

Im Tal des Regenbogens

Kleines Seelchen in der Nacht,
hast mir so viel Glück gebracht,
mußtest gehen, bist nun fort,
weit an einem schönen Ort.
Regenbogen, Wasserfall,
grüne Wiesen überall,
spielen, toben, frohes Treiben
hier willst Du ganz sicher bleiben.
Kleines Seelchen warte dort,
wart auf mich an diesem Ort,
eines Tages, Du wirst sehen,
werden wir uns wieder sehen.

Einmal wenn wir uns wieder sehen,
werden wir gemeinsam gehen,
in die Ewigkeit, ins Morgen,
hier gibt es nie wieder Sorgen.
Mensch, sei gut zu Deinem Tier,
denn gemeinsam wollen wir,
doch die Ewigkeit verbringen.

Kleines Seelchen in der Nacht,
hast mir oftmals Freude gemacht,
Dank, sag ich an dieser Stelle,
geh nun über diese Schwelle.
Geh nach Haus zu all den Lieben,
sieh sie warten auf Dich drüben,
mach Dir keine Sorg`um mich
Seelchen, ich vergess` Dich nicht!

Du warst ein super lieber Familienhund. Danke !

Unverhofft bist du und Herkules 2002 in mein Leben gekommen. Eine tolle Zeit hast du uns beschert und zu einem treuen Familienmitglied bist du geworden.
Liebenswert und geduldig warst du mit unserer Tochter und stets zum kuscheln aufgelegt.Dein Lieblingsplatz, auf unserem Bett bei meinen Füssen. Du fehlst und wir haben dich ungern gehen lassen, doch in unseren Herzen hast du für immer deinen Platz.
In Liebe deine Familie

Vor 12 Jahr händ mir dich mit Hilf vo dä Füürwehr vom e Baum abe gholt. Die ganz Nacht häsch det obe bi Frost-Temperature usghart. Vo däm Tag a sind mir gueti Fründe gsi. Nachdem dini Bsitzer ohni dich wegzügled sind, händ mir dich adoptiert. Du häsch aber um kein Priis welle i d’Wohnig cho. Du bisch es Büsi gsi wo Natur und Freiheit gnosse hät. Nach enere schlimme Verletzig am Hals, wo hät müesse gnäht werde, händ mir dir es Chatzetörli i d’Garagetür montiert. Det inne isch en alte Sessel gstande, en gmüetliche Platz für dich zum Pfuse. So häsch en Ort gha zum in Sicherheit si und dich zrugg zieh. Und im Winter häsch so au än warme, gschützte Platz gha.

Du bisch es ganz speziells Büsi gsi mit Ecke, Kante und Chralle. Wenn du guet druf gsi bisch hät mer dich dörfe streichle. Aber wehe wenn du en schlechte Tag gha häsch dänn häsch eim eis mit dim Pfötli tätscht. Am
21. November 2008 händ mir dich schwer hinkend dusse entdeckt. D’Achillessehne isch grisse gsi. Lang händ mir überleit, ob mir dir würkli en gfalle mached wenn mich dich operiere lönd. Die höche Choschte händ eus nöd abgschreckt aber dä Gedanke, dich in Tierspital zghä, wo du dänn imene chline Chefig igsperrt worde wärsch, und au de drümonatig Husarrest bi eus dehei, hät eus grossi Sorge gmacht. Aber schlussendlich händ mir beschlosse dir die Chance zgäh. D’Operation isch guet verlaufe und Rehabilitations-Zyt im Gäschtezimmer isch am Afang nöd eifach gsi, du häsch immer probiert us däm Zimmer zflüchte sobald mer Tür ufgmacht hät und häsch eim au attackiert. Aber vo Tag zu Tag isch es besser gange und du häsch dich a d’Wohnig gwöhnt.

Afangs März hät dä Tierarzt gmeint, dass du wieder usse dörf. Aber was niemer glaubt het, dich hät die grossi wyti Welt nümme so interessiert. Du bisch zwar no churz mit eusem Hund Buga uf dä letschti Hundespaziergang mitcho, aber dänn häsch wieder welle Hei is Gäschtezimmer. Im Winter 2010 hät de Andi, dä gröschti Verehrer vo dir gseit, dass du chöntisch während euse Skiferie bi ihm und dä Nadia wohne. Mir sind eus nöd sicher gsi ob das guet chunt. Aber wie händ mir gstuned, wie du chum us em Chörbli, interessiert i dä Wohnig umegspaziert bisch ohni zmotze, zmiaue oder zfauche. Ä Sensation! Ja und du häsch dich bi dene beide so wohl und geborge gfühlt, dass nach de Skiferie gar nüme häsch welle zrugg cho. Du bisch ihri verwöhnti Prinzessin gsi. Sie händ extra es Chatzetörli i d’Balkontür montiert, damit du inne und usse häsch chöne. Und du häsch es au gnosse uf em Balkon z’sünnele und dich vor Wöhli z’ruggele. Dänn händs dir au no en tolle Chatzebaum bsorged und jede Tag mit dir gspielt und dich mit Pouletbrüschtli verwöhnt. Du häsch det s’Paradies uf Erde gha und bisch en ahängliche Schmusetiger worde, wo sich gern uf dä Bei vom Andi oder Nadia bequem gmacht hät. Am 17. Mai 2011 isch es dir plötzlich sehr schlecht gange. Weder dä Tierarzt no s’ Tierspital händ dir chönne helfe. Wo’s dir dänn no elender gange isch und Situation ussichtslos worde isch, hät mer dich erlöst. Leb wohl liebe Büsel.